Carnavalsliedjes HOMEPAGINA
 
Welkom op de webpagina Wigosite Carnavalsliedjes.
Op deze pagina vindt u de teksten van de Maastrichtse Carnavalsliedjes van 1946 t/m 2024
(Mestreechse Vastelaovendsleedsjes), de foto's van alle Prinsen vaan Groet Mestreech vanaf
1946, Aw gouwe pèrrelkes, carnavalsafbeeldingen, carnavalsdata t/m 2025 en nog meer info.
Mocht u op de pagina plaatjes en/of bestanden tegenkomen die in het kader van de Copyright
hier niet thuis horen, laat ons dat dan weten. 
Wij zullen dan de plaatjes en/of bestanden onmiddellijk van deze webpagina verwijderen !
Opmerkingen, suggesties en aanvullingen middels een berichtje in het Gastenboek en/of een
mailtje zijn altijd welkom.
Veel lees- en kijkgenot en ........ Vastelaovend same !
 
 
 
 
Vastelaovends Leedsjes Concours 2023
 
Verkezing vaan 't Vastelaovendsleedsje 2024: Zaoterdag 11 november 2023
in de Muziekgieterij Mestreech.
Dao woort door 'n Vakzjurie same mèt 't Vollek vaan Mestreech 't nuij
Mestreechs Carnavalsleedsje 2024 gekoze oet de bèste zeve leedsjes.
 
En de winnaar is: 'In Mestreech'
 
Mie info: www.smv.nl 
 
 
        Mestreechs  Vastelaovendsleedsje 2024   
 
 
2024
Prins Roy I (Gulikers)
In Mestreech
Teks en Meziek: Patrick Jaspers
Zaank: Gebreurs Patrick en Eric Jaspers

Koeplèt:
't Hertsje vaan Mesteech dat kleurt weer drijj daog roed, geel, greun
in rijjaloet löp joonk en aajd de zaole vaan de sjeun
Meziek dat klink weer euveral dao is weer goojen doors
't leukste nog vaan al is dat Mestreechs geawhoors

Veer lierde dat vaan keends aon gaondeweeg
Dat is zoe sjoen aon Vastelaovend in Mestreech

In Mestreech, in Mestreech, in Mestreech
Mestreech, Mestreech.

Refrein:
In Mestreech, in Mestreech, zien v'r drijj daog ónderweeg
Um us weer 'ns good te ammesere
In Mestreech, in Mestreech dao weurt joonk en aajd verleef
Es ze door de straote bamboechere
En es 't eine zuut en dink: dat löp nog in de sop
Daan doen v'r in Mestreech d'r nog e sjöpke bovenop
In Mestreech, in Mestreech is e gleeske noets haaf leeg
Veer viere obbenuijts mèt flair 't leve
 
 
 
Stadsprins vaan groet Mestreech 2024
Hoege Hoeglöstigheid Roy I (Gulikers)
Foto en mie info: www.tempeleers.nl
 
De nuijje Hoege Hoeglöstigheid vaan Mestreech
woort oetgerope op zóndag 14 jannewarie 2024
um 15.11 oor oppe Merret in Mestreech
Mie info: www.tempeleers.nl
MESTREECHSE
VASTELAOVENDS
LEEDSJES
1946    2023
 
1946
Prins Bèr I (H. Retrae)
Karnaval in Mestreech
Teks & Meziek: M. Niël

Koeplèt:

Es 't Vastelaovend is daan kómme veer bijjein.
Zinge, danse, springe allemaol gekke ónderein.
Drijj daog vaan de week, make v’r gekke streek.
Dat is euze Karnaval.
Vriethof, Staat en Brökstraot alles steit in rep en roor.
Groet of klein 'n ederein, dee goejt ziech 'ns de door.
Lol veur errem en riek, gekke zien geliek.
Vastelaovend euveral.


Refrein:
Karnaval in Mestreech, maak plezeer en doeg d’n hertsje leve.
Zèt d'n zörreg opzijj en gaank oet mèt die daog.
Dans en spring in 'n rijj en vergeet al d'n plaog.
Karnaval in Mestreech, jao dat mooste eder jaor beleve.
Of ste aajd of jónk bis, zing mer allemaol.
Hup Marjenneke, Pup Marjenneke leve de Karnaval !
 
 
 
1947
Prins Sjang I (S. Wintraecken)
Zeet Löstig
Teks & Meziek: P. Lemaire

Koeplèt:
De Vastelaovend is ter weer noe goon veer aon de rol.
Vaan bónte kleure en kónfettie is Mestreech weer vol.
De luij zien oetgelaote en goon zingend langs de weeg.
Dat is 't sjoenste fies wat veer hijj kinne in Mestreech.
Veer danse op de maot, noe drijj daog langs de straot.


Refrein:
Zeet löstig, zeet löstig, en ammezeert uuch good.
Zeet löstig, zeet löstig, bijj alles wat geer doot.
Kóm bring de stad in stumming noe mèt eure zaank.
Laot us drinke op gelök die drijj daog laank.
Zeet löstig, zeet löstig, 't is noe Karnaval.
Gezónge, gesprónge, meziek is euveral.
Me dink daobijj ouch aon de sjariteit.
De spreuk die in 't Momus waope steit.
 
 
 
1948
Prins Leon I (L. Schreuder)
Karnaval ! Dat is de sjoenste tied
Teks & Meziek: M. Niël

Koeplèt:
De boter is al lang weer opgeslage.
De reiperok dee weurt neet mie gedrage.
Meh wat toch is gebleve in us aajd Mestreech.
Dat is de Vastelaovend op us straot en weeg !
Veer zinge allemaol noe in us eige taol.


Refrein:
Karnaval dat is de sjoenste tied,
Karnaval dee wèlle veer neet kwiet.
Veer goon zingentere door Mestreech,
Geine deender dee us get deeg.
Hand aon hand zoe pak ziech ederein,
Poet aon poet dao goon v'r achterein.
En dat geit zoe tot de mörrege door,
Mèt Vastelaovend kinne veer gein oor !
 
 
 
1949
Prins Loe I (L. Chambille)
Laot mer goon
Teks & Meziek: P. Lemaire

Koeplèt:

De maskes op, de pekskes aon, noe drijj daog weer op stap.
De zörreg vaan 't ganse jaor zien aon us sjeun gelap.
De zaank is neet vaan de loch, 't klink euver de Maos.
Mestreech is in z'n illemint, de Bónte Störrem raos.

Refrein:
Laot mer goon, laot mer goon,
want te stèl is niks gedoon.
'T is toch altied weer de Mestreechteneer,
dee moot leve vaan plezeer.
Zink 't oet ! Zink 't oet !
Gaot mèt struipe noe mer droet.
Want nao drijj daog is 't toch gedoon,
laot mer goon, laot mer goon !
 
 
         
 
1950
Prins Johan I (J. Dassen)
Wèlt geer neet nao de pieringe
Teks: P. Habets  Meziek: N. Slangen/C. Mandigers

Koeplèt:

Mestreech viert weerum Karnaval,
me zink en sprink noe euveral.
De veuls diech weer gans mins,
este mer 'ns lache kins.
En waor de Maos noe 'ns vol beer
de Knaal vol klaore wien.
Daan zouwe veer hijj in Mestreech
de bèste zwummers zien.


Refrein: (2 kier)
Wèlt geer neet nao de pieringe.
Et friet, drink beer, slik hieringe.
De bèste raod veur uuch:
Hawt de lever neet te druug !
 
 
 
 
1951
Prins Sjo I (J. Smeets)
Bars de bom
Teks: J. Pans  Meziek: M. Niël

Koeplèt:

Dao höbste 'm al, dao zien ze weer,
de daog vaan Karnavalsplezeer.
Klik, klaor en blijj
de zaank en klaank,
tot in de Kappesijnegaank.
Dao loupe tróppe zingenteer,
door Groetestaat en springenteer.
Vaan in Mestreech tot wiet in Wiek,
mèt sjaterlach en moordmeziek.


Refrein:
En noe bars, bars, bars, bars de bom
veer houwe op de trom.
En es v'r zinge wie 't moot
nao drijj daog daan 'n heise stroot.
En noe bars, bars, bars, bars de bom
veer houwe op de trom.
En es v'r zinge wie 't moot
nao drijj daog daan 'n heise stroot.
Bars, bars, bars.
 
 
 
1952
Prins They I (Th. Sleebe)
D’n drekmaan
Teks & Meziek: J. Kraft

Koeplèt:

Dao is get gaonde in Mestreech,
dao is get aon de hand.
En es dat neet weurt opgelos,
daan weurt 't eine ramp.
De drekluij zien neet mie kóntent,
zie höbbe ein bezwoer.
Proteste zien al ingedeend,
noe zink Mestreech in koer.


Refrein:
D'n drekmaan dee geit stake,
tot heer geinen höllepmotor aon zie keerke heet.
D'n drekmaan dee geit stake,
zónder motor is zie keerke neet kómpleet.
Noe wèt ziech de Gemeinte geine raod,
’n drekweij weurt noe zeker eder straot.
D'n drekmaan dee geit stake,
zónder motor is zie keerke neet kómpleet.
 
 
 
1953
Prins Frans I (Fr. Pieters)
De Kattebak
Teks & Meziek: M. Niël

Koeplèt:
M'n kat die trok eine hoege rök
en wis ziech geine raod.
Want sinds iech op mie flètsje woen
kós ze neet mie op straot.
M'n kamers stónke wie 'n hop,
begaojd waor gans de grónd.
En zoe leep iech daag in daag oet,
mèt bleek en beurstel rónd.


Refrein:
Meh noe höb iech 'ne kattebak
mèt ins per week nuij zand.
En daomèt zien m'n kat en iech
oet de staank en oet de brand.
Meh noe höb iech 'ne kattebak
mèt ins per week nuij zand.
En daomèt zien m'n kat en iech
oet de staank en oet de brand.
 
 
 
1954
Prins Jacques I (J. Chappin)
Miene Maan
Teks & Meziek: J. Kraft

Koeplèt:

V'r make allemaol get mèt in dee modernen tied,
de krijgs 't op d'n zenuwe de weurs ’t neet mie kwiet.
Noe höb iech bijj dat allemaol al weer ’n nuij probleem,
dat kump tot miene maan d'n tèlleviezie heet gezeen.
En 't sjoenste vaan de mop, 't zit in ziene kop.


Refrein:
Miene maan is weg vaan tèlleviezie,
meh de kejzjem dee h’r heet is erreg min.
Iersdaogs hole ze 'm weg mèt de Peliesie,
veur zoe 'n touwstèl brik heer nog 'ns in.
Daan höb iech geine maan mèt Karnaval,
dee al dat beer veur miech betaole zal.
Heer zit daan vas en mie pekske bleif in de kas.
 
 
 
1955
Prins Frans II (Fr. Thewissen)
Bijj m'n tant Katrien
Teks: H. Loontjens  Meziek: B. v.d. Linden

Koeplèt:

Bijj m'n tant Ketrien, steit e wasmesjien.
En dao kook ze altied zoermoos in.
Miene nónk Sjeraar, vint dat gaar neet raar.
Um tot heer ziech dao good aon begaoje kin.


Refrein:
Bijj 't Mooswief köpste spruutsjes,
bijj de slachter frikkedel.
Bijj de bekker krijgste tuurtsjes,
in 't zwumbad hinnevel.
Meh wee kin us noe vertèlle es 't laat is,
boe daan nog get in de fles of in 't vaat is ?
Bijj 't Mooswief krijgste spruutsjes,
bijj de slachter frikkedel.
 
 
 
1956
Prins Vic I (V. Kamm)
Lerang
Teks: L. Veugen  Meziek: B. v.d. Linden

Koeplèt:

Merieke had 'ne leve jóng, meh dee waor zoe verlege,
en wat 't meitske ouch verzon, 't zaot 'r altied tege.
Meh ins bijj 'nne blinne moer dao weurt ze obstenaot,
en fluustert stèllekes in z'n oer 'Iech geef diech eine raod'


Refrein:
Lerang bis neet zoe bang, geef miech e muilke, geef miech e muilke.
Lerang bis neet zoe bang, geef miech e muilke, op m’n wang.
De höbs toch sjans pak d'ne kans, iech bin verleef dus ezzebleef,
doeg noe 'ns neet serjeus, geef miech e muilke op m’n neus.
Lerang bis neet zoe bang , geef miech e muilke, op m’n wang.
 
 
 
1957
Prins Pierre I (P. Peeters)
Sjeng de moneka
Teks & Meziek: P. Bex

Koeplèt:

Bijj Sjeng toes zien ze muzikaal dao späölt haos ederein,
dat is miech dao e gekkehoes want alles löp doorein,
Sóms huurste niks es roll en rok zjus in 'n hinnehok,
dao weurt gezónge en gehos mer daan kump Sjeng pas los.


Refrein:
Es Sjeng späölt op de moneka en Merie op häör trompöt.
Daan huurste niks es rong rong rong zjus dee neger Arremstrong.
Sóms blaos Merie e bitsje vals daobijj versjrikkelik hel.
Daan rit Sjeng aon dee moneka en sprink haos oet zie vel.
Daan rit Sjeng aon dee moneka en sprink haos oet zie vel.
 
 
 
 
1958
Prins Willy I (W. Kaasenbrood)
Dat is de sajs
Teks: A. van Loo  Meziek: J. Feij

Koeplèt:

Triene leep te prakkezere, jeh wat kook iech noe vandaog.
Broun boene höbbe veer zoe gere, meh dat lik zwoer op de maog.
Inins dao zaog ze unne en die waore goojekoup.
Ze koch toen veur e wöllemke en ze kraog 'nen hielen houp.


Refrein:
Vaan die unne unne unne heet us Triene sajs gemaak
en die unne unne unne höbbe köstelik gesmaak.
En noe zeet deen erme maan:
"Iech höb al drijj daog las devaan"
Vaan die unne unne unne lik iech noe op 'ne knap,
dat heet miech die unnesajs gelap !
 
 
 
1959
Prins They II (Th. Bovens)
Sjannèt
Teks: A. van Loo  Meziek: M. Everaarts

Koeplèt:

Dao kump us Sjannètteke, die deit zoe gere mèt.
Ze zink en kint sjoen danse, Kaliepso en Ballèt.
En mèt de Vastelaovend sprink ze vaan hot nao haar.
Veur alle Hermenieje op of achter ’n Famfaar.
En ederein zink mèt dit sjoen koeplèt.


Refrein:
Sjannèt, Sjannèt, kóm dans nog ins ballèt,
iech zal diech ouch traktere astrein aon ’t buffèt.
Sjannèt, Sjannèt, en veer goon same oet,
en trèkke daan 't Vriethof op, in unne rijjaloet.
 
 
 
1960
Prins Loe II (L. Buytendijk)
Drijj daog d'r op oet
Teks & Meziek: M. Niël

Koeplèt:

Meh, zit toch neet zoe stóm achter die roete,
ge doot of geer neet wèt wat leve is.
Kómp mèt de Vastelaovend mer nao boete,
veur eine kier höb geer daan niks gemis.
Sjang, pak diech d'n Merie, want nónde nóndepie.


Refrein:
Geer nump 't later toch neet mèt,
’n ederein dee dat wel wèt.
En eder jaor, zeet mer gerös,
daan lik de breef vaan de belasting in de bös.
De wereld is neet laank meh rónd,
dee good kin lache is gezónd.
En noe alleh: Drijj daog d'rop oet,
al mèt 'n trómmel of 'n ratel en 'n toet.
En noe alleh: Drijj daog d'rop oet,
al mèt 'n trómmel of 'n ratel en 'n toet.
 
 
 
1961
Prins Dré I (A. Abrahams)
De Nozem
Teks & Meziek: M. Niël

Koeplèt:

Dao loupe allewijl vaan die jungskes op de straot.
Mèt haore op dee kop jèh dat is zjus taankeldraod.
E breukske mèt smal piepe, e humme, gein kravat.
'T lieke wel jóng kukes zoe vaan de klook gestap.


Refrein:
Noe rojem, zoe 'ne nozem, dee heet ze sóms neet good op ’n rijj.
Bombarie, allegasie, gei wöllemke heet heer op zien prijj.
Meh mèt de Vastelaovend, daan kump heer oet de ploej.
Daan sjaart 'r ziech 'n blónte, ’n zwarte of ’n roej !
Noe rojem, zoe 'ne nozem, dee heet ze sóms neet good op ’n rijj.
Bombarie, allegasie, gei wöllemke heet heer op zien prijj.
 
 
 
 
1962
Prins Pierre II (P. Steffens)
De sjoekboks vaan bijj Lena
Teks & Meziek: M. Niël

Koeplèt:

Bijj Lena in de kaffee dao steit ’n apperaat,
mèt sjoen gekleurde lempkes die branne dèks nog laat.
Dat dink dat neump me sjoekboks en jaan en allemaan,
die vinde dat moorddadig en zinge noe en daan.


Refrein:
Leef Lena duij nog 'ns 'n döbbelsje, in de sjoekboks lekker dier.
Leef Lena zèt nog 'ns dat pleetsje op, veur d'n allerlèste kier.
Daan hure veer die kerels kwele
"Ach waor 'ch mer bijj Meer gebleve"
Leef Lena zèt dat nog 'ns op, veur d'n allerlèste kier, lekker dier.
 
 
 
1963
Prins Guus I (A. Knols)
't Nissjeke
Teks: A. van Loo  Meziek: M. Everaarts

Koeplèt:

Umtot 't Vastelaovend is heet Lieske zoen gooj zin,
ze is vaan kop tot tien verkleijd zoetot häör geine kin.
Ze lach en gek mèt ederein en raoj 'ns wat ze zeet,
es ze Sjo of Sjeng of Sjang 'ns flink te pakke heet:


Refrein:
Iech bin 'n nissjeke, 'n nissjeke vaan diech.
Meh jóng dat wètste toch, de liekens väöl op miech.
Iech bin die nissjeke, iech maak diech gaar niks wies.
Veer zien familie al vaan in 't Paradies.
 
 
 
 
1964
Prins Bèr II (H. Essers)
De Maos-Boelvaar
Teks & Meziek: M. Niël

Koeplèt:

't Sjoenste plein vaan gans 't land, dat is wied nao de maon.
Dao bars 't vaan de otoos op, väöl sjoens is neet mie d'raon.
Meh es de knaar is touwgegoejd, de bloodbak op 't stort.
Daan rope veer Hoera ! Viva ! Mestreech kump niks tekort.


Refrein:
Mieljaar op dee Maosboelvaar,
goon veer parere en promenere.
Dao goon de mansluij in sjoen pekskes,
en loupe vrouwluij op hoeg hekskes.
Mieljaar op dee Maosboelvaar,
goon veer flanere vaan hot nao haar.
Mieljaar op dee Maosboelvaar,
goon veer flanere vaan hot nao haar.
 
 
 
 
1965
Prins Pierre III (P. Hommes)
Nónk Harie
Teks: L. Maas  Meziek: D. de Pauw

Koeplèt:

Nónk Harie, nónk Harie, dee maak gèt vaan z'ne jaan.
Heer kleijt ziech mèt bombarie en liek noe op tant Sjaan.
Nónk Harie, nónk Harie, heet noe unne bietelkop.
En veult ziech op Klevarie unne echte tienertop.


Refrein:
Yeah, yeah, yeah, iech zèk mer meh, meh, meh.
Nónk Harie dee is knatsj en heer vertèlt allein mer kwatsj.
En heer zink yeah, yeah, yeah, iech zèk mer meh, meh, meh.
Nónk Harie dee is knatsj en heer vertèlt allein mer kwatsj.
 
 
 
1966
Prins Crétien I (C. Gielen)
Diech bis e lekker jónk
Teks: A. Paulussen  Meziek: M. Everaarts

Koeplèt:

Mèt Vastelaovend zien veer allemaol geliek,
en eder pèkske steit us ao zoe sjiek.
Dao weurt neet geloerd nao blónt of gries,
want die daog is geine mins good wies.
Zuuch dao löp e lekker jónk,
't geit al gaw vaan mónd tot mónd.


Refrein:
Diech bis e lekker jónk, de höbs 'ne leuke mónd.
Diech maags miech pune keend, iech bin zoe gaw verweend.
Diech bis e lekker jónk, de höbs 'ne leuke mónd.
Diech maags miech pune keend, diech bis vas oet Mestreech.
 
 
 
1967
Prins Frans III (F. Nicolaes)
Tralalalalalala
Teks & Meziek: J. Kraft

Koeplèt:

't Waor mèt Vastelaovend en Pie had goje doors.
Heer zag tege zien vruike: Iech höb geluif iech koors.
Iech gaon miech eine pakke, deen doors is zoe geles.
Geef miech mer ins get duite, iech lös 'n ganse fles.
Meh zie zag: Pieke stop ! Dee weijer geit neet op !


Refrein:
Diech kins miech tralalalala, diech kins miech tralalalala.
Diech kins miech tralalalala, en nog väöl miejer.
Diech kins miech tralalalala, diech kins miech tralalalala.
Diech kins miech tralalalala, en nog väöl mie.
 
 
 
1968
Prins Charles I (Ch. Gemmeke)
De Knievel
Teks: J. Pletzers  Meziek: J. Kraft

Koeplèt:

Lewie vaan op 't heukske heet de knievel laote stoon.
Want zónder knievel wèlt heer neet mie door ’t leve goon.
Lewieke is moderren, Lewieke hèlt vaan biet.
Daorum wèlt us Lewieke ziene knievel neet mie kwiet.

Refrein:
De knievel vaan Lewieke, dat is toch zoe'ne sjieke.
Bijj de love-in is heer hip, mèt dee knievel op zien lip !
De knievel vaan Lewieke, dat is toch zoe'ne sjieke.
Bijj de love-in is heer hip, mèt dee knievel op zien lip !
 
 
 
1969
Prins Math I (M. van Lijf)
De Boterblóm
Teks: H. Loontjens  Meziek: D. de Pauw

Koeplèt:

Ze deit in boter, mèllek, kies en veerse eijer,
rommedoekes en zoe mie.
Ze hèt Maria Petronella en zoe weijer.
Meh veur miech is 't Merie.


Refrein:
Merie, dat is e wónder, e wónder vaan e keend.
Merie, vaan bijj us ónder, is mèt alles good bedeend.
En löp ze door us sträötsje, daan dink iech: Oe-la-la.
Dat is gei groffiäötsje, dat is 'ne dalia.
Merie, dat is e wónder, e wónder vaan e keend.
Merie, dat is e stök, ze heet twie pijlers wie de aw Maosbrök.
 
 
 
1970
Prins They III (Th. van Kan)
't Masjorètsje
Teks: J. Pletzers  Meziek: D. de Pauw

Koeplèt:

Marjo die wèlt zoe gere mèt häör kwiek model.
Veur 'n Hermenie marsjere, now now dat kin ze wel.
En mèt de Vastelaovend prizzenteert ze kier op kier.
Häör allerleefste snuutske, jao ze is e lekker dier.


Refrein:
Marjo, Marjo, diech brings Mestreech vaan d'n aperpo.
Marjo, Marjo, dat is 'n masjorètsje à go-go.
Marjo, Marjo, diech brings Mestreech vaan d'n aperpo.
Marjo, Marjo, dat is 'n masjorètsje à go-go.
 
 
 
1971
Prins Raymond I (R. Willems)
't Zwumbad
Teks: B. Erven  Meziek: G. v.d. Lende

Koeplèt:

't Vriethof krijg e zwumbad bijj
de koul is al gemaak.
Parkere is veurgood veurbijj
't werrek weurt gestaak.
De bak löp vol tot bovenaon
Zjeng wèlt dao noe nao touw.
Heer trèk ziech gaw ’n zwumbrook aon
en reup daan op zien vrouw.


Refrein:
Trinèt, zwum mèt miech mèt.
Veer duke vaan Sint Jaan,
want Verhagen wèt devaan.
Trinèt, zwum mèt miech mèt.
Veer duke vaan Sint Jaan,
want Verhagen wèt devaan.
Trinèt, Trinèt, Trinèt.
 
 
 
 
1972
Prins Herman I (H. Cox)
De Zaate Hermenie
Teks & Meziek: J. Hoenen

Koeplèt:

Hijj in us aajd Mestreech, is weer e nuij orkes.
Ze speule wel hiel hel, meh valser es de res.
Ze zien altied bijjein en houwe op de kis.
Me huurt ze euveral ouch es ’t aofgeloupe is.


Refrein:
De zaate Hermenie, de zaate Hermenie.
Die trèk altied mer wijjer ouch al kinne ze neet mie.
De zaate Hermenie, de zaate Hermenie.
Die späölt neet sjoen, meh hel en dus veur twie, en wie !
 
 
 
1973
Prins Lu I (L. Lieben)
Boe Boe Boe
Teks & Meziek: D. de Pauw

Koeplèt:

Este sóms get zaat bis en ‘t ouch al laat is.
Zeukste get wat naat is en wat oet 't vaat is.
En este zoeget gaar neet vins.
Zing daan mer heller este kins.


Refrein:
Boe kreig iech nog e pötsje beer ?
Boe höb iech nog 'n oor plezeer ?
Boe bleif iech es Mestreechteneer ?
Boe....? Boe....? Boe....?
 
 
 
 
1974
Prins Willy II (W. Fey)
Pak uuch vas
Teks: M. Limpens  Meziek: J. vd. Meulen

Koeplèt:
Medemsje op de Merret beloert ziech dat 'ns good.
Ze lach um al die maskes, kreig kriebels in häör blood.
Al steit ze tösse slaoj, unne, kuul en poor.
Gans Mestreech goejt ziech dedoor.


Refrein:
Pak uuch vas, pak uuch vas,
haolt eur pekske oet de kas.
Karneval in Mestreech.
Pak uuch vas, pak uuch vas,
ouch 'n maske kump vaan pas.
Want 't is weer Karneval.
 
 
 
1975
Prins Gène I (E. Janssen)
De meitskes vaan Mestreech
Teks: J. Pletzers  Meziek: D. de Pauw

Koeplèt:

Sint Pieter zag: Wat noe gedoon ?
Iech leet de deur op e kierke stoon.
Mesjiens waor iech verblind door ‘t leech,
m'n sjoenste ingele die vloge nao Mestreech.


Refrein:
't Is geinen hopsasa, 't is geinen tralala.
't Is of d'n hiemel ope geit.
Zuug ze flanere, dat doen ze gere.
Dat zien de meitskes vaan Mestreech.
 
 
 
 
1976
Prins Funs I (A. Kerckhoffs)
Hawwe zoe
Teks: J. Loontjens  Meziek: D. de Pauw

Koeplèt:

Iech höb 't in mien vinger, iech höb 't in mien han.
't Geit vaan kop tot tiene en klapper mèt m'n tan.
Want huur iech al die trommels en ouch de Hermenie.
Daan bin iech neet te hawwe en spring alvas veur twie.


Refrein:
Mestreech zoe moot 't blieve, Mestreech zoe moot 't zien.
Kóm goej diech toch dedoor, en zèt 'm weer 'ns op.
Of loup op diene kop.
 
 
 
1977
Prins Wum I (W. Fischer)
Hand aon Hand
Teks: J. Pletzers  Meziek: J. Kraft

Koeplèt:

Boe Abraham de mosterd haolt, boe Bartel tap de wien.
En boe e pèlske neet versjaolt, dao moot ’t gezèllig zien.
Jao dat vinste allemaol,
boe me sprik Mestreechter taol.


Refrein:
Hand aon hand, ping ping, poet aon poet, ping ping.
En zoe make veer 'nne spiereling.
Hand aon hand, ping ping, poet aon poet, ping ping.
Vaan d'n Observant tot de Bessing.
 
 
 
1978
Prins Funs II (A. Otten)
Drijj daog
Teks & Meziek: J. v.d. Meulen


Koeplèt:

Mèt Vastelaovend is 't weer zoe wiet.
Die drijj daog wèl iech noets mie kwiet.
Iech haw vaan lol en väöl plezeer.
Wie 'nne echte Mestreechteneer.


Refrein:

Drijj daog gaon iech weer aon de zwier.
Pak miech e pèlske kier op kier.
En bijj 't Mooswief e spierke poor.
Vaan 's mörreges vreug tot saoves laat.
Springe door de Groete Staat.
Zoe goej iech miech dedoor.

 
 
 
1979
Prins Michel I (M. Severijns)
Straotkarneval
Teks: P. Leenders  Meziek: H. Heltzel


Koeplèt:

Wie in us aajd Mestreech de Vastelaovend weurt gevierd.
Dat vinste nörreges.
Wie dat diech door dien mojer en d'nne vajer woort gelierd.
Zeuk dat mer örreges.
Mestreechtenere zit de Vastelaovend in ‘t blood.
Vaan saoves tot 's mörreges.
't Zinge en ‘t springe deit häöm zeenderouge good.
Heer vergit zien zörreg ins.


Refrein:

Mestreech, Mestreech, stad zoe sjoen aon de Maos,
es de bónte störrem raos.
Mestreech, Mestreech, boe iech euveral waor,
toch verlangde iech steeds naor.
Mestreech, Mestreech, wat iech noets vergete zal,
ouch al weur iech hónderd jaor, is diene straotkarneval.

 
 
 
1980
Prins Raymond II (R. Hommes)
Boe de Brouwer is
Teks & Meziek: J. Kraft


Koeplèt:
't Waor in e broen kaffeeke, veer hadde väöl plezeer.
't Waor toch zoe gezèllig, veer sprónge op en neer.
Toen reep opins d'n ober: 't Is d’n hoegste tied.
Iech zaog uuch gere kómme, meh noe wèl iech uuch kwiet.
Veer repe allemaol: Wat is dat veur ’n taol ?


Refrein:

Boe de brouwer is hoof de bekker neet te zien,
dus sjöt nog mer 'ns in.
Es gein beer mie is drinke veer e fleske wien,
veer kriege noe pas zin.
Al sleit de klok twie oor, veer goon nog eve door.
Boe de brouwer is hoof de bekker neet te zien,
dus sjöt nog mer 'ns in.

 
 
 
 
1981
Prins Bert I (B. Beenkens)
Mestreech is eine groete kaffee
Teks: M. Boelen  Meziek: H. Heltzel


Koeplèt:
Vaan Sint Pieter tot gans in Wiek.
Sjaterd euveral meziek.
Iech zal uuch noe get goon vertèlle.
De köp zien gaaroet neet te tèlle.
Vaan de Stasie tot Klevarie.
Is 't einen houp bombarie.


Refrein:

Mestreech is eine groete kaffee,
Mestreech dat sjöddelt op en neer.
Jónk en aajd sprink weer door de straote,
alle hoezer zien verlaote.
Mestreech is eine groete kaffee,
oet alle kraone löp 't beer.
Mestreech is eine groete kaffee,
en sjölddelt drijj daog op en neer.

 
 
 
1982
Prins Jean I (J. Schreuder)
Unnen awwe lómmel
Teks & Meziek: Sj. Duchateau


Koeplèt:
Mien vrouw heet zjus op tied häör pekske klaor.
Zie maak ziech nog e strikske in häör haor.
Meh iech sjaar miech mer zoe get oet de kas.
En vin dao 'nnen awwe lómmel dee miech hiel good pas.


Refrein:

Mèt 'nnen awwe lómmel aon en 'n möts op vaan mien Meer.
Goej iech miech dedoor en höb iech völ plezeer.
Mèt 'nnen awwe lómmel aon en 'n möts op vaan mien Meer.
Gaon iech drijj daog laank de Vriethof op en neer.
Iech gaon daan kaffee in en kaffee oet.
En bloos miech daan te barste op mien aw berosde toet.
Mèt 'nnen awwe lómmel aon en 'n möts op vaan mien Meer.
Vier iech Vastelaovend, jao iech bin Mestreechteneer.

 
 
 
1983
Prins Phil I (Ph. Dumoulin)
Zingend door Mestreech
Teks & Meziek: D. de Pauw


Koeplèt:
Zingentere goon veer door de straote.
Vaan hot nao haar en daan weer trök.
Kinderleef veer kinne 't neet laote.
Want neet te koup dat is gelök.


Refrein:

Allemaol op de sjouwers, allemaol noe op weeg.
Allemaol goon v'r drijj daog laank zingend door Mestreech.
Allemaol op de sjouwers, allemaol noe op weeg.
Allemaol goon veer zinge vaan: Geef miech mer Mestreech !

 
 
 
1984
Prins Jean II (J. Servais)
Hiel Mestreech dat zink
Teks: B. Mommers  Meziek: C. Mast


Koeplèt:
Mestreech dat viert gezèllig Vastelaovend.
Ut steit op ziene kop.
Goejt uuch drijj daog dedoor tot in d’n aovend.
Want daan is ‘t weer op.
't Kwik dat zit al in de vot, de kele die zien naat.
De Hermeniekes speule weer, sóms neugter en sóms zaat.


Refrein:

Hiel Mestreech dat zink in 'ne groete krink.
Hiel Mestreech trèk oet in 'ne rijjaloet.
Wie 'ne bónte trein, allemaol achterein.
Hup Merjenneke, pup Merjenneke.
Zink weer ederein.

 
 
 
1985
Prins Jef I (J. Loontjens)
Mèt de dikke zjiem veurop
Teks & Meziek: Sj. Duchateau


Koeplèt:
Veer viere Vastelaovend mèt 'n Hermenie.
Es veer weer goon beginne tèlle veer tot twie.
Veer trèkke door de straote, de dikke zjiem veuraon.
En allemaol goon veer daan d’r achteraon.


Refrein:

Mèt de dikke zjiem veurop.
Trèkke veer weer door de straote.
Mèt de dikke zjiem veurop.
Veule veer us neet verlaote.
Mèt de dikke zjiem veurop.
Zètte veer de ganse tent op ziene kop.
En ouch al löp ‘t in de sop.
Veer kómme neet mie stop.

 
 
 
1986
Prins Jan I (J. Janssen)
Harie boe hingste noe toch oet
Teks & Meziek: Sj. Duchateau


Koeplèt:
Lieke is noe al d'n hielen tied.
Häör Hermenieke en ouch häöre Harie kwiet.
Euveral heet zie gezeuk, zie is ten inde raod.
Ze steit noe hel te rope op d'n hook vaan eder straot.


Refrein:

Harie boe hingste noe toch oet.
Boe biste mèt d'n Hermenie gebleve.
Harie boe hingste noe toch oet.
De wèts toch zónder diech kin iech neet leve.
Laot miech noe toch eve wete boeste oet hings nóndepie.
Euveral bin iech aon 't zeuke meh noe weit iech 't neet mie.
Harie boe hingste noe toch oet.
Boe biste mèt d'n Hermenie gebleve.

 
 
 
1987
Prins Math II (M. Hameleers)
Mèt blaore aon mien veuj
Teks & Meziek: P. Ruyters


Koeplèt:
Me vruike en de kinder aon mien zijj.
Veer bloze eder jaor weer eus partijj.
Al lik de sjnie en is ’t erreg kaajd.
Toch goon veer mèt de kinder nao ‘t fies vaan jónk en aajd.


Refrein:

Mèt blaore aon mien veuj.
Zoe vier iech Vastelaovend in Mestreech.
M'n kute ingevèt.
Zoe loup iech miech die drijj daog leeg.
M'n kneeje die zien stief.
Vaan de kaw en vaan d’n draank.
Toch gaon iech eder jaor opnuij.
En dat mien leve laank.

 
 
 
1988
Prins Lou III (L. Lausberg)
Iech bin gebore in Mestreech
Teks & Meziek: N. Heutz


Koeplèt:
Rembrandt jao dee sjèlderde zoe good.
Vondel zaot ‘t diechte in ‘t blood.
Bach dee sjreef meziek oet losse hand.
Iech zellef vin dat alles naovenant.
Iech weet dat iech zoe get neet kin.
Meh wat iech noets vergete bin.


Refrein:

Iech bin gebore in Mestreech.
Hijj laog iech lachend in mien weeg.
En es iech zoe get kin vertèlle.
Wat zouw iech daan nog miejer wèlle.
Höb Vastelaovend in mie blood.
Dat deit 'n ederein zoe good.
Jao wat iech altied viere zal.
Is de Mestreechter Karneval.

 
 
 
 
1989
Prins Robert I (R. Jessen)
De kinder vaan 't Mooswief
Teks & Meziek: P. Ruyters


Koeplèt:
Jao eder jaor bijj us in 't kómmood.
Zeuk iech nao e sjoen pekske en 'nen awwen hood.
En höb iech get gevónde wat miech steit.
Daan goej iech miech dedoor zoe lang 't geit.


Refrein:

Veer zien de kinder vaan 't Mooswief.
En in us hart klop de Mestreechter Geis.
Dat huurt me good mèt Vastelaovend.
Daan zinge veer us heis.
Veer zien de kinder vaan 't Mooswief.
Vaan jónks aof aon zien veer die drijj daog ónderweeg.
En dat zal altied zoe blieve.
Want veur us is d'r mer ein Mestreech.

 
 
 
1990
Prins Nico I (N. Kempeners)
Mien mojertaol
Teks: F. Bollen  Meziek: H. Bollen


Koeplèt:
De vastelaovendskoors heet hun bevaange.
D'n intersitie nao de lol dee zit weer barstensvol.
Daan zien 'rs ouch nog die blieve haange.
Gans door Mestreech en ziene Geis bevaange.
Mer iech bin pas kóntent.
Es edere student, toeris of wee hijj binnegeit.
Mien mojertaol versteit.
Mèt Karneval, dat is noe zjus de kloe.
Daan liere zie ‘t zoe wie zoe.


Refrein:

Sjievel, sjravel, sjroeveleer, zèk miech dat noe mer 'ns nao.
Zuuste, zag ze, zedeleer, 't is neet lestig veer zien bijnao dao.
Knievel, knoevel, knawweleer, nog eve en daan zien veer klaor.
Fritsel, frutsel, fretske, speule in ’t getske.
Dat is noe mien mojertaol.
Fritsel, frutsel, fretske, e bitsje is e kletske.
Mien mojertaol die lierste neet op sjaol.

 
 
 
1991
Prins Rob I (R. v. Leendert)
Iech höb de piep leeg
Teks: U. en B. Garnier
Meziek: U. en B. Garnier en R. Villevoye


Koeplèt:
Huurt bijj Vastelaovend, zoe meuj zien wie 'n maoj.
Es iech ze zeen sjavere daan kreig iech ’n sjevraoj.
Es veer us ammezere mèt us Bergóndies blood.
Daan kin us dat niks dere want daan veule veer us good.


Refrein:

Iech höb de piep leeg, vaan al dat vege door Mestreech.
Iech höb de piep leeg, mer iech geef 'm ‘ne veeg.
De Vriethof weer op, ’t Slevrouweplein weer aof.
Nog eve langs de Merret höb iech Minckeleers belaof.
Iech zèk uuch nóndedju, iech höb pijn aon mien pu.
Iech höb de piep leeg vaan al dat vege door Mestreech.
Vaan 's mörregens vreug tot stareleech.

 
 
 
1992
Prins Jean-Louis I (J.L. Tuinstra)
Iech huur `n Herremenie
Teks & Meziek: Sj. Duchateau


Koeplèt:
Deen herremeniemeziek, dee vinde veer zoe sjoen.
Ut geit us aon us prijj, dao kinne veer toch niks aon doen.
Veer hove us ouch gaar neet te bedinke.
Es herremeniemeziek begint te klinke.


Refrein:

Iech huur 'n Herremenie, kóm keend iech haw ’t neet mie.
Pak diene jas en veer vlege d'r achteraon.
Achter die Herremenie goon veer daan fijn mèt us twie.
Door alle straote en door eder laon.
Huur iech dee sjoene meziek, bin iech d’n hiemel te riek.
Daan bin iech blijj mèt diech hijj aon mien zijj.
En bijj de volgende kier, dat geef iech op pepier.
Zien veer weer vaan de partijj.

 
 
 
1993
Prins Wim II (W. Knols)
De Straoteluiper
Teks: U. en B. Garnier
Meziek: U. en B. Garnier en J. Thoma


Koeplèt:
Iech höb 't in m'n kneuk en miene pókkel.
Get aon mien oere, vaan dat truite en getókkel.
Iech höb daan twie han, dao kinste drijj daog sop vaan trèkke.
En op m'n veuj höb iech niks aanders es blouw plèkke.
De kreigs miech mèt gein tien peerd mie nao hoes.
Iech veul miech mèt die daog op de straot 't bèste toes.


Refrein:

Iech bin 'ne straoteluiper mèt de Karneval,
de zuus miech nörreges en toch weer euveral.
Want op de straot dao leef iech miech lekker oet,
sjaar miech e trömmelke en bloos 'ns op m'n toet.
Iech dans en spring daan door de Groete Staat,
't maak niks oet al weurt ’t vreug of weurt ’t laat.
Want iech gaon door tot iech gaar neet mie kin stoon
en op mien kneeje nao m'n hoes trök moot goon.

 
 
 
1994
Prins Barry I (B. Berghmans)
Iech bin zoewie iech bin
Teks: F. Bollen  Meziek: H. Bollen


Koeplèt:
't Is óngeluifelik wat hijj gebäörd.
Daoveur höb iech gaaroet gein wäörd.
Iech weit d'n haventied neet wat iech zeen of huur.
Dee Vastelaovend is zoe puur.
Vendaog gaon iech es lampekap en mörrege es knien.
De zals hijj mer gebore zien.


Refrein:

Iech bin zoewie iech bin, zoewie iech bin bin iech gebore.
Iech bin zoewie iech bin, en dat kin miech toch zoe bekore.
Iech bin zoewie iech bin, zoewie iech bin maak miech zoe blijj.
Iech bin zoewie iech bin, en daorum blijf iech altied hijj.

 
 
 
1995
Prins René I (R. Persoon)
Diech bis 't zönneke
Teks: U. en B. Garnier
Meziek: U. en B. Garnier en J. Thoma


Koeplèt:
En iech höb vlinders in miene boek.
En iech bubbel wie e bleedsje aon 'ne stroek.
M'n haore stoon rechop, m'n kneeje knikke hel.
Iech krijg sjevraoje, jao iech höb hinnevel.
Es iech diech mèt Karneval zeen goon.
Daan deenk iech: Wie kin zoe get bestoon.


Refrein:

Diech bis 't zönneke, jao diech allein.
Es iech diech zeen daan bubbele m’n bein.
Of 't noe regent of störremp in Mestreech.
Diech bis veur miech e werrem zonneleech.
En ederein dee kin ‘t aon diech zien.
Diech bis veur miech e sträölke zonnesjien.
Vaan diech allein kreig iech kriebels in de maog.
Diech bis 't zönneke vaan miech mèt die drijj daog.

 
 
 
1996
Prins Charles II (Ch. Peeters)
Drijj daog verlore
Teks & Meziek: M. Quaden en P. Ruyters


Koeplèt:
Un heise stroot, m'n veuj kepot, 'n tóng wie sjoorpepier.
M'n vuurroej oere toete vaan ‘t bloze kier op kier.
Iech loer get euverkruus dat is vaan de pijn aon miene kop.
M'n tesse die zien leeg, noe zien mien duite ouch nog op.
En ummertouw deenk iech, iech stop veurgood.
Meh ut zit miech in ‘t blood.


Refrein:

Drijj daog laank verlore, eine kier per jaor.
Veuls diech wie herbore.
En bis daan weer e gans jaor veur d'n hiele wereld daor.
Drijj daog laank verlore.
Dat is hijj 'n ederein, want boeste geis of boeste steis.
Tröfste de Mestreechter Geis.
Iech bin drijj daog in Mestreech verlore.

 
 
 
1997
Prins Peter I (P. Schrijen)
Nog eint
Teks & Meziek: M. Quaden en P. Ruyters


Koeplèt:
Mèt Vastelaovend steit heer alle daog aon 't buffèt.
Dao zink heer en dao sprink heer daan mèt eder leedsje mèt.
Aon eder maske vreug heer wie 't geit.
Vergit daan veur 'n oor zie groetste leid.
Dee Karneval dee viert heer daag en nach.
Daan zeet d'n hospes ónverwach...


Refrein:

Nog eint meh jóng dat is 't lèste.
En daan geit 't leech hijj oet.
Nog eint meh jóng dat smaak ’t bèste.
En daan goej iech diech hijj d'r oet.
Noe kóm en gaank 'ns nao d'n vruike.
Meh sjmink diech iers good aof.
Astrein krijgs diech vaan miech 't ierste.
Dat höb iech diech belaof.

 
 
 
1998
Prins Tom I (T. Gillissen)
Mörregevreug
Teks & Meziek: M. Quaden en P. Ruyters

Koeplèt:

Iech höb al ore laank gaar gein geveul mie in mien bein.
Iech moot nao hoes touw loupe meh m'n sjeun die zien te klein.
De kaffees die zien touw en zuug de nach is haos veurbijj.
Hijj staon iech noe gesjmink, verkleijd, mieljaar wat daon iech hijj ?
Mestreech dat lik al ore op ’n oer.
Dee Vastelaovend vèlt miech erreg zwoer.


Refrein:
Meh mörregevreug is alles aanders,
daan staon iech speulenteer veuraon.
Jao mörregevreug daan geit ’t beter, 
daan gaon iech achter eder Hermenieke aon.
Mörregevreug is alles aanders, dat gief m'ch nuije mood.
En nao m’n ierste gleeske beer,
krijg iech sjevraoje, meh toch drink iech mèt plezeer.
 
 
 
1999
Prins Mathieu I (M.Hulst)
Laot de boel mer goon
Teks & Meziek: M. Quaden en P. Ruyters


Koeplèt:
D'n aofwas op de stein is get veur ore,
veur pótse, zuige, stöbbe geinen tied.
Me werrek jao dat maag nog eve dore,
blijf lekker toes, höb gaaroet geine spiet.
Iech deenk allein mer aon de drijjj daog laank,
tot 't mer bars noe gaon iech miene gaank...


Refrein:

Laot de boel mer goon.
Al dreijt de wereld neet mie rónd,
al löp de Maos hijj langsem leeg.
Blief dao noe neet stoon.
Geef miech d’n hand kóm mèt miech mèt,
iech bring diech zingend door Mestreech.
Laot de boel mer goon.
Nao e gans jaor höbbe veer 't us verdeend.
En prakkezeer noe neet zoe zier,
vier Vastelaovend want de leefs mer eine kier.

 
 
 
2000
Prins Peter II (P. Reijnders)
Noe is 't tied
Teks & Meziek: P. v.d. Weijer


Koeplèt:
Veer zien zoe vaan die luij, veer stoon dèks euveral väöraon,
en zeker mèt Vastelaovend, num dat vaan us aon.
Want zien de naojes vaan de keersboum d'r aof,
daan tèlle veer de daog weer langsem aof.


Refrein:

Noe is 't tied, tot de meziek begint te speule,
luij goon drejje wie 'n meule in 't rónd, de gansen tied.
Leedjses klinke wie gediechte, zuug dee lach op die geziechte,
ach wat veule veer us riek.
Noe is 't tied, zingentere goon veer same euver straot.
Eder zate Hermenieke späölt häör sjoenste melodieke.

Gans Mestreech moot wete: 't Is noe weer zoe wiet ! 

 
 
 
2001
Prins Willy III (W. Verweij)
Es iech dee samba huur
Teks & Meziek: R. de Pauw


Koeplèt:
Iech stónt dao in e heukske get te sjanse.
Mèt häör wouw iech zoe gere danse.
Wie iech de samba hoort waor iech verkoch.
Vaan blijjsjap spróng iech in de loch.
Toen zóng iech dees wijs.
Iech weit ’t gans persijs ...


Refrein:

Leef keend ... es iech de samba huur.
Jao daan ... staon iech in vlam en vuur.
Daan wèl iech danse ... mèt diech.
Noe loer 'ns hijj ... nao mie geziech.
Leef keend ... es iech de samba huur.
Jao daan ... raak iech zoe euverstuur.
Want iech bin hijj allein veur diech.
Zèk noe toch jao, jao tege miech.

 
 
 
2002
Prins Bèr III (B. Eggen)
Geef miech drijj daog
Teks & Meziek: M. Quaden en P. Ruyters


Koeplèt:
Miene blooddrök is te hoeg, iech zeen ze vlege.
Iech bubbel, daorum vèlt al wat iech eet.
Me werrek, nein dao kin iech neet mie tege.
Dao is neet väöl, wat iech neet mie vergeet.
Meh kóm iech bijj de spesjaolis.
Vertèl iech wat veur miech ’t bèste is:


Refrein:

Geef … miech … drijj daog Vastelaovend.
Daan bin iech 'ne ganse nuije mins.
Vaan de mörrege tot de laten aovend.
Goej iech miech dedoor vervöl mien allergroetste wins.
Geef miech drijj daog Vastelaovend.
Daan kin iech weer e gans jaor laank veuroet.
Iech höb niks aon zoe ’n sjieke terapie.
Dee Vastelaovend, jao dee deit 't um en wie !

 
 
 
2003
Prins Leon II (L. Geurtjens)
Mestreech is te gek
Teks & Meziek: U. en B. Garnier


Koeplèt:
Aon alle kante rammelt, Mestreech vendaog d'n daag.
Dao weurt wel aon gewèrrek,
Mer sóms e bitsje traag.
Eus stad moot d'r op veuroet goon.
Dus eve gein gezeur !
't Leid is zoe vergete, Karneval steit veur de deur !
Iech höb allein nog evekes ’n vraog,
Die lik miech noe al weke op de maog !


Refrein:

Is ’t Mooswief neet te zwoer veur op 't Vriethof ?
En kinne veer dao springe allemaol ?
En op dinsdag mèt al us Hermeniekes !
Stèl d'ch veur vaan neet, daan höbste e sjendaol !
Kinne veer noe langs de Maos nog wel flanere ?
Of brikste dao messjien nog diene nek ?
Mèt Vastelaovend zal ziech geine sjaggenere !
Want die drijj daog in Mestreech die zien te gek !

 
 
 
2004
Prins Corné I (C. Gillissen)
Verleef op 't Mooswief
Teks & Meziek: P. v.d. Weijer


Koeplèt:
Op Vastelaovendszóndag kump zie aon,
gans oetgelaote staon iech daan al orelaank väöraon.
Um twellef oor hink zie weer in de loch,
en daan bin iech weer veur drijj daog laank verkoch.
Iech kiek nao häör en zie nao miech,
zie lach miech aon, rech in mie geziech.


Refrein:

Iech bin verleef ... op 't Mooswief,
hiel de wereld maag 't wete.
Zie is zoe leef ... 't is e moordwief,
zie is gewoen um op te vrete.
Zeen iech häör haange, weur iech bevaange,
jao zie is veur miech de pèrrel vaan Mestreech.
Iech zouw 'ns gere, mèt häör flanere,
saoves laat bijj stareleech.

 
 
 
 
2005
Prins Luc I (L. Schoonbrood)
Laot de zon ...
Teks: N. Heutz  Meziek: N. Heutz en R. Grootaarts


Koeplèt:
Diech zaots mèt Vastelaovend op e benkske in Mestreech.
Dien traone zaog iech sjittere ónder ’t staareleech.
Iech waor ónderstebove kraog kriebels in de maog.
Iech zag: Leef keend kóm dans mèt miech noe nao de regebaog.


Refrein:

Laot de zon in dien hertsje meh sjijne.
Touver noe ‘ne lach op die geziech.
Laot dien zörreg wie de wolleke verdwijne.
Kóm noe zing en dans die drijj daog laank mèt miech.
Laot de zon in dien hertsje meh straole.
Jao de leefde die bleujt veur us twie.
Ech gelök is mèt goud neet te betaole.
Kóm geef miech dien hand iech bin verleef en wie.

 
 
 
2006
Prins Norbert I (N. Frijns)
Mie fietske
Teks: N. Fabry  Meziek: R. de Pauw


Koeplèt:
Iech koch miech lès e fietske, zoe nuijerwèts model,
mèt vaan de hippe kleure en mèt 'n sjieke bel.
Iech ging 't oetperbere, zoe midde in de stad,
en höb 't bijj e buimke eve neergezat.
En ouch al leep iech gaar neet wied,
mie nuij fietske bin iech kwiet !


Refrein:

Wat 'ne elend, wat 'n pech,
mie gans nuij fietske dat is weg.
't Is neet geklajd, 't is neet gestole,
meh de Gemeinte is mie fietske weg goon hole.
Is dat noe sjiek ? Is dat noe sjoen ?
Wat moot iech zónder fietske doen ?
Mieljaar, wat höb iech noe e leid.
Kin iemes miech vertèlle boe mie fietske steit ?

 
Voor foto's Carnaval Maastricht 2006 zie  Hélènesite en Piwo's Page:  Carnaval 2006
 
 
2007
Prins Roland I (R. Dear)
Reube, friet en beer
B. Hoekstra, J. Holthuis, J. Schöpping

Refrein:
M'n Ma die is vaan Lummel, miene Pa dee kump oet Hier
Vaan Mestreech is geine en mien Tant die woent in Kier
Veer zien vaan Wiek en Wolder, dao tösse sjijnt 't leech
Dao zien veer neet gebore en dao lik noe zjus Mestreech
Dao zien veer neet gebore en dao lik noe zjus Mestreech


Koeplèt:
Iech zaog häör bijj de Stasie, dat meidske had väöl grasie
Iech dach aon 'n relasie en iech zag häör 'Ekskuzeer'
Zèk wèlste mèt miech sjanse ? Zèk miech wie zien mien kanse ?
Zie zag 'Iech wèl gere danse mèt 'ne ras Mestreechteneer'

Iech kós häör neet vergete, iech móch toen kómme ete
Dat waor toen ech genete mèt reube, friet en beer
Iech wèlde häör versere, 't meidske caressere
Meh Pa gaof häör neet gere aon 'ne nep Mestreechteneer

Op aondraank vaan Mamake, leet iech 't beer miech smake
Iech wis 'm good te rake, wie 'nen Tempeleer
Pa zag 'Laot iech ins dinke en op de touwkóms drinke,
es iech diech zoe zeen drinke, biste ech Mestreechteneer'
 
Reube = raap, knol (groentesoort)       Caressere = vrijen
Veur fotoos oetrope Prins Roland I vaan groet Mestreech 2007:  Fotoos Prins Roland I
 
 
2008
Prins Richard I (R. Jongen)
Dao kump Maria
Teks: D. en L. Satijn  Meziek: D. Satijn
Zaank: Duo X-Elle

Koeplèt:

Mèt de Vastelaovend, geit us Maria op stap,
Vreuger mèt de kinder drin, meh noe de lekkere hap.
De weurs en ouch gehakbelkes en blökskes awwe kies,
Die deilt zie oet aon ederein, daan is 't ein groet fies !


Refrein:
Jao, dao kump Maria,
mèt häöre wagel op 't plein.
Jao, dao geit Maria,
Vastelaovend vint zie fijn.
Jao, dat is Maria,
de zuus 'r euveral.
En kumpste Maria tege,
daan is 't Karnaval.

Noe nao al die jaore, heet ze 'm umgebouwd tot kaar,
Huur dao kump zie al vaan wied, verkleijd wie 'ne klósjaar.
Meziek dee heet ze bove drop, zie drejt daan mèt 'r kónt,
De luij die doen daan löstig mèt, Mestreech sprink in 't rónd.
 
 
 
2009
Prins Patrick I (P. van de Weijer)
Noe geit 't gebäöre !
Teks & Meziek: U. en B. Garnier
Zaank: Vollek vaan Mestreech

Vastelaovend vierend vollek vaan Mestreech,
reurt eur trommels en blaos
op dizzenante toene want: 
Noe, noe geit 't gebäöre !


Refrein:
Want noe geit 't gebäöre !
Iech zweer 't geit miech aon m'n prijj.
Noe, noe, noe geit 't gebäöre
en dat gebäört allein mer hijj !
Iech wèl miech laote goon op de meziek.
Höb lang gewach, mer noe is 't daan zoewied !
Noe geit 't gebäöre, Vastelaovend in Mestreech !


Koeplèt:
Es 't op de Merret weer gerope weurt !
't Benkelik momint en alles roed, geel, greun verkleurt.
Daan bin iech neet te hawwe, nein daan bin iech ech de klos.
Noe geit 't ech gebäöre, iech goej alle remme los !
 
 
 
2010
Prins Guy I (G. Van der Heijden)
Hijj höb iech alles veur euver
Teks & Meziek: U. en B. Garnier
Zaank: Vollek vaan Mestreech

Refrein: (2x)
Hijj höb iech alles, alles veur euver !
Hijj laot iech alles veur stoon !
Dat höb iech al vaan vreuger.
Iech wèl, iech zal, iech moot die drijj daog goon.
Iech tèl de daog en de nachte,
en is 't eindelik zoe wied.
Daan kin iech neet mie langer wachte.
Dit wèl iech vaan ze leve noets mie kwiet.
Neet kwiet, dat wèl iech noets mie kwiet !


Koeplèt:
Al wejt 't daak miech vaan 't hoes.
Mèt gein tien peerd hèlste miech nog toes !
Al gief miech eine 'n miljoen.
Iech hoof 't neet, nein iech gaon gewoen !
Al moot iech kroepe, iech zèt alles opzijj.
Al steit de wereld stèl, mer iech bin weer debijj ...
Debijj, debijj, jao iech bin weer debijj.
 
 
 
2011
Prins Maurice I (M. Olivers)
De leefs mer eine kier
Teks & Meziek: Roel Kochen en Jos Kuijpers
Zaank: Roel en Jos (Peper en Zaajt)

Refrein:
Goej uuch mer de door,
en loer neet op 'n oor.
Want de leefs mer eine kier !
Dink noe neet allein,
aon zörreg en sjagrijn.
Want de leefs mer eine kier !
Want straks es 't gedoon is,
is 't euver en oet.
Daan vèlt niks mie te speule
op die trommel of die toet.
Goej uuch mer de door,
en loer neet op 'n oor.
Want de leefs mer eine kier !


Koeplèt:
Al biste nog zoe riek,
al höbste sent wie water.
Al biste nog zoe sjoen,
daan wach mer ‘ns tot later !
Al biste ‘t good geweend,
bis diech e zoondagskeend.
Kóm bijj miech in de lier,
want de leefs mer eine kier !
 
 
 
2012
Prins Han I (J. van den Akker)
Vendaog höb iech geinen tied
Teks: N. Fabry  Meziek: R. de Pauw
Zaank: Duo X-Elle


Koeplèt
Bijj us in de gooj kamer is 't einen ónderein
Pekskes, pruke, alles ligk doorein
De dikke zjiem steit neve d'n teevee
Kónfettie vinste zellefs op de plee
Op d'n dressoir steit in de stöb gesjreve:
Wat e gelök um hijj te mage leve...!!!


Refrein:
Vendaog höb iech geinen tied
Um te pótse, um te koke, veur de striek
Want noe is 't weer zoe wied
Um te springe veur dee ketelemeziek
Vendaog höb iech miech belaof
En dat nump miech geine aof
Tot es 't asselegoonsdag is
Iech vaan de Vastelaovend gaar niks höb gemis...

't Huteke vaan ama kump ouch noe weer good vaan pas
En vaan ampa is dee slippejas
Die sjoen kalbas waor vreuger vaan tant Nie
Deen hoege zijje vaan miene noonk Pie
Vaan keends aof aon is 't us mètgegeve:
Wat e gelök um hijj te mage leve...!!!

 
 
 
2013
Prins Oscar I (O. Vandeberg)
Eindelek
Teks & Meziek: Ursula en Bert Garnier
Zaank: Hielemaol Los (Eric Ghelen, Eric Cruts en Ludy van Dijk)

Refrein:

Eindelek, bin iech !
Wat iech altied höb wèlle zien,
Prins vaan Mestreech, of tant Katrien mèt häör wasmesjien !
Eindelek, bin iech !
De Romein dee Mestreech heet gestiech,
Beppie, Sint Servaos, Rieu of Sinterklaos !
’t Maak niks oet wat iech verzin,
Minckeleers mèt vlam, Lang Lies of kakmedam !
’t Is Vastelaovend, alles kin !


Koeplèt:
Ouch wat zouw iech toch gere,
’n ster wèlle zien en bekind vaan d’n teevee,
D’n trompettis bijj ’t Mooswief um 12 oor ’s nachs,
Of de spits vaan M V V !
En ouch dit jaor höb iech miech weer get bedach…
Jao, op dee Karnaval höb iech zoe lang gewach !
 
 
 
2014
Prins Henri I (H. Hochstenbach)
Gekleurd op stap
Teks & Meziek: Léon Aarts
Zaank: Roger Villevoye

Refrein:

Roed ... geel en greun,
bin iech gekleurd tot ónderaon mien sjeun.
Hermeniekes, bónte störrem alles vinste trök,
ouch 't Mooswief en d'n Ingel stoon op miene rök.
Roed ... geel en greun,
bin iech gekleurd tot ónderaon mien sjeun.
Mèt al die kleure op mien prijj,
bin iech zjus e sjèlderijj !

Koeplèt:
Miene sjat sjèldert toch zoe gere,
bodypainting wouw zie ins perbere.
Mie lief is noe ein kleureprach,
zoe sjoen ... dat had iech noets verwach.
Meh gelökkig heet ze miech belaof,
nao Asselegoonsdaag haolt zie alles d'raof.
Ónder mie pekske gaon iech gekleurd op stap,
dat is noe zjus de grap !
 
 
 
2015
 
Prins Odin I (Wijnhoven)
Wee bringk nog 'n weurs nao Klara ?
Teks & Meziek: Jack en Jean Debruijn
Zaank: Eric Cruts

Koeplèt 1:
Eus pekskes die zien veerdeg
de Prins is al bekind.
Nui glazer stoon in doeze
de cent die zien gepind.
Meh ei dink is neet zeker
dao is niks aon te doen.
Dus goon veer nao de slachter
en vraoge gans gewoen ...


Refrein:
Wee bringk nog 'n weurs nao Klara ?
die beit daan veur good weer.
Wee bringk nog 'n weurs nao Klara ?
zoe stumpke heet zie toch zoe geer.
Kriege veer daan zon of rege ?
Klara deit dat op häör meneer.
En höbbe veer die daog good weer gehad
bring iech 't koumend jaor
weer e weurske nao dee sjat !

Koeplèt 2:
De sjmink ligk op d'n aonrèk
en pruke zien gekoch.
Mestreech is d'r weer klaor veur
get sjoens hingk in de loch.
Meh ei dink is neet zeker
dao is niks aon te doen.
Dus goon veer nao de slachter
en vraoge gans gewoen ...
 
 
 
2016
Bastiaan I (B. Klomp)
Confetti
Teks & Meziek: Mario Verhoeven en Patrick Ummels
Zaank: de Zès Köp

Refrein:
Iech höb confetti in mie blood
De dreikwaartsmaot in miene voot
’n Dikke zjiem trèk door mien oere
Iech höb e roed geel greun gemood
Dee vastelaovend deit miech good
En miene rikketik dee drejt op volle toere
Zoe gaon iech drei daog laank op weeg
Mèt gans ’t volk vaan Mestreech

Koeplèt:
Iech mós lès bij d'n dokter zien iech voolt miech nog al gek
’t Razelde miech vaan mien veuj tot bove in de nek
Heer vroog miech zus heer vroog miech zoe heer duide hei en dao
En nao e paar menute had heer al e antwoord klaor
Heer zag: "Iech weit wat geer mankeert,
’t weurt ins tied tot geer uuch drei daog ammezeert !"
 
 
 
2017
Hoeglöstigheid Jérôme I (Slakhorst)
Vleugelkes
Teks & Meziek: Patrick van de Weijer
Zaank: Duo Nick en Patrick

Refrein:
Mèt Vastelaovend krijg iech weer vleugelkes,
't is daan zjus es of iech vleeg.
En ederen aovend bringe miech die vleugelkes,
nao alle heukskes vaan Mestreech.
Sóms vleeg iech hijj ... hijj ! en daan weer dao ... dao !
Sóms vleeg iech d'r tössenoet,
meh iech vleeg altied weer de Geis vaan Vastelaovend achternao !
La la la la la la la la, kóm sprijj dien vleugels oet.
La la la la la la la la, en vleeg mèt miech drijj daog drop oet.

Koeplèt:
En vleeg iech hiel hoeg in de loch,
zeen iech doezend lempkes blinke.
Hiel hoeg in de loch huur iech de hermeniekes klinke.
Iech vleeg daan gaw umlieg, um te danse hijj mèt diech.
Iech gaon veurluipig neet mie trök en zing hijj vaan gelök.

Brögk:
En staon iech nao de Vastelaovend,
weer mèt twie bein op de groond.
Dink iech alweer aon kómmend jaor,
want daan vleeg iech hijj weer roond !
 
 
 
 
2018
Prins Rolam I (R. Nievergeld)
Gewoen e Vastelaovendsleedsje
Teks & Meziek: Patrick van de Weijer
Zaank: Jelke Schijlen, Marvin Rosier en Nick van Oerle

Refrein:
Kom drej veur us nog ’ns e Vastelaovendsleedsje,
gewoen zoe’n lekker pleetsje ... in eus eige taol !
Gein hiphop, geinen disco, gein housemeziek of techno ...
niks vaan dat allemaol !

Veur ein, twie, drei daog moot dat kinne,
kom laote veer beginne ... mèt eige zaank en klaank !
Tradities mooste viere, meh haw ze wel in iere,
mie leef Mestreech bedaank !

Koeplèt:
Loup iech zoe door Mestreech, begint ’t miech te jeuke.
Boe moot iech toch op aon, jeh boe moot iech ’t zeuke ?
 ’t Is zjus ’n discotheek, zoe hel en al doorein,
krijg stèllekes ’n lip, nein dít is ech neet fijn !
Dus kasteleins en kare-trèkkers, huur wat iech uuch vraog:
 "Maag iech get Mestreechter Geis ?", ’t is mer veur drie daog ...

Brögk:
Meh dáán huur iech ’n hermenie die späölt bekinde klaanke.
Iech zing en dans en spring, iech bin zoe blij !
... Iech wèl die lui bedaanke !
 
 
 
2019
Prins Armand I (A. Peereboom) foto: Rembrandt
Ech woer, jeh jao
Teks: Patrica Paulussen   Meziek: Patrick Ummels
Zaank: Batteraof en de Köp

Refrein:
Ech woer, jeh jao, Vastelaovend is weer dao
Meh jong, noe loer, gans Mestreech zingk weer in koer
Ach jeh, meh nein, die drijj daog zien zoe fijn
Noe loer, kiek dao, hijj is plezeer jeh jao


Koeplèt:
Dee dao mèt dee kale kop, dee zeen 'ch eder jaor
En zie dao achter, heet ouch weer op tied häör pekske klaor
 De hermeniekes speule vals, meh dat is zjus zoe sjoen
Dee door 't jaor zoe röstig is, deit noe neet mie gewoen
 
 
 
2020
Prins Luc II (L. van Lijf)
Verleef op Mestreech
Teks: Ron Nieste   Meziek: Patrick Ummels
Zaank: de zès Köp

Refrein:
Och wat is ’t hijj toch fijn mèt z’n alle hijj bijjein
Mestreech … iech bin verleef
Mèt z’n alle d'r op oet in dee groete rijjaloet
Mestreech …boe iech um geef
Huur iech de hermeniekes speule: krijg iech ’t in de kop
Krijg iech euveral sjevraoje, kin niks aanders tegenop !
Iech veul miech zoe gelökkeg, bin blijj tot iech hijj leef
Mestreech … iech bin verleef !


Koeplèt:
Eus stad zit vol tradities, dao is altied get te doen
Meh ’t sjoenste vaan dit alles: 'Vastelaovend spant de kroen'
Daan zien veer neet te hawwe, trèkke vaan bal nao bal
Zoe goon veer daan op weeg nao de Mestreechter carneval
Dee vastelaovend is zoe sjoen …
Iech bin zoe gruuts tot iech hijj woen !
 
 
 
2021
Geen Prins t.g.v. het Coronavirus
Us Mestreechs
Teks: Erwin Lennarts   Meziek: Patrick Ummels
Zaank: Frans Theunisz en de Köp

Refrein:
Iech sjrijf ’t zus (Iech sjrijf 't zus)
Heer sjrjjf 't zoe (Iech sjrijf 't zoe)
Veer goon noe toch neet nöddele
Iech zing 't zus (Iech zing 't zus)
Heer zink 't zoe (Iech zing 't zoe)
Es Mestreech noe mer blijf sjöddele
Iech zèk 't zus (Iech zèk 't zus)
Heer zeet 't zoe (Iech zèk 't zoe)

't Kin us niks verrèkke
't Is Mestreechs toch ? Zoewiezoe !

't Kin dus ouch gebäöre,
tot iech miech 'ns verdaol
Zoelang 't mer gein Huilands is,
spreek dien Mestreechter taol


Koeplèt:
Iech loup in d'n optoch, En iech in de cortège
Zaot vreuger op mezieklès, En iech lierde solfège
Zing iech dat wel zuver ? Moot dat neet propel zien ?
Die dissonante toene, die mage d'r wel zien
 
 
 
2022
Prins Roel I (R. Akkermans)
De Vastelaovendskis
Teks: Stefan Gybels   Meziek: Patrick Ummels
Zaank: de Köp

Refrein:
De kis vaan Frits en May zit vol historie,
't is 'n vastelaovendsrillekwie.
Bijj eder pekske zit 'n sjoen memorie,
't gief mötse, maskes, pruke en zoe mie.
Alles maag nao pèls en friete ruke,
veur Frits en May is dat wie after-shave,
Want es ze same in die kis goon duke,
daan weure zie obbenuijts weer straolverleef.

Koeplèt:
Bijj Frits en May op zolder, dao steit 'n groete kis,
e gans jaor stöb te vaange, daan weurt ze neet gemis.
Meh roond de Vastelaovend, daan weurt Frits obstenaod,
zie Mayke zeet daan gaw: iech geef diech eine raod.
De kis, de kis, de vastelaovendskis !
 
 
 
2023
Prins Stefan I (Gybels)
De Vastelaovendspripperatie
Teks en Meziek: Noël Fabry en Raymond de Pauw
Zaank: Duo X-Elle

Koeplèt:
Pieke vaan hei neve heet zie pekske al gepas
Mia vaan hei euver haolt de pruke oet de kas
't Hermenieke rippeteert get vals en väöls te hel
de trommel vaan Lewieke krijg daodoor e gans nuij vel
De daog die weure noe weer aofgeteld
Daan kump wat ederein zoe gere welt:


Refrein:
Mestreech viert Vastelaovend !
Mestreech geit aon de geng !
Dat is 't sjoenste wat besteit veur 'nen echte Sjeng !
't Mooswief op de Merret die heet 't us belaof:
die daog vaan 'haldaldei'en 'laot mer goon'
die nump us geine aof !

Koeplèt:
Vastelaovendsleedsjes huurste noe weer euveral
Nètsje nejt häör klèdsje en geit nao 't Prinsebal
Tant Fien prop häör kalbas vol mèt get veur d'n appetiet
De prins vaan Klein Ternaejje zeuk de sajs veur zien tuut friet
Zoe prippereert ziech hei weer ederein:
Mestreech dat sjöddelt drei daog achterein !
 
 
 
        Aw Mestreechse  Vastelaovendsleedsjes   
 
     
 
Aw Mestreechse  Vastelaovendsleedsjes
 
Ónderstaond get aw bekinde Mestreechse Vastelaovendsleedsjes
die neet de ierste plaots haolde, mer die wel nog altied good in 't
gehuur ligke, nog lang neet vergete zien en die edere Vastelaovend
nog op väöl plaotse te hure zien en door de 'aw' Mestreechtenere
daan oet volle boors weure mèt gezónge: Us aw gouwe pèrrelkes !
 
 
Boe kriege veer e pèlske
Teks & Meziek: J. Kraft
Jaor: ?

Refrein:
Boe kriege veer e pèlske, boe kriege veer e gleeske beer.
Boe kriege veer e pèlske, boe kriege veer hijj beer.


Koeplèt:
Veer waore in d'n olie en woorte opgepak.
meh dat kós us niks sjele en zónge in de bak.

Veer rijjde mèt e böske tege 't Mooswief op,
en zónge op Kalvarie mèt unne dölle kop.

Goon veer ins nao d'n hiemel en höbbe veer nog doors,
daan kómme veer bijj Petrus en zinge oet volle boors.
 
 
De Vrattel
Vastelaovendsleedsje De Kazjematters
Teks & Meziek: J. Kraft
Jaor: 1966

Refrein:
Wie kumps diech aon die vrattel op d'n neus.
Die vrattel op d'n neus, die vrattel op d'n neus.
Diech hats m'ch wel gekrege, meh die vrattel strijjt m'ch tege.


Koeplèt:
Merieke waor al wekelaank, op zeuk nao unne maan.
De woere kaom en vrijje, nou dao kós dee wel get vaan.
Lès stónge ze 'ns same, en 't woar al ein oor ‘s nachs.
Toen vroog dee leve jong gans ónverwachs:

't Doorde toen neet lang mie, of Merie waor weer allein.
Ze kós 't neet verkroppe, och 't deech häör toch zoe'n pijn.
Dao kaome nog wel aandere, dus te klaoge had ze neet.
Meh eder kier hoort zie tot häör verdreet:
 
 
Diech bis op de köpke gevalle
Teks & Meziek: J. Kraft en L. de Vos
Jaor: ?

Refrein:
Diech bis op de köpke gevalle,
diech bis nog gekker, gekker, gekker es 'n sjöp.
Diech bis op de köpke gevalle,
iech spring nog liever, liever, liever vaan de brök.
Iech bin e meidske vaan good fetsoen,
en daorum kin iech, kin iech, kin iech dat neet doen.
Diech bis op de köpke gevalle,
diech bis nog gekker, gekker, gekker es 'n sjöp.


Koeplèt:
Iech leep 'ns mèt de Karneval te zinge op de brök.
Toen kaom 'n aordig meidske langs, dat reep iech eve trök.
Veer höbbe same get vertèld en toen zag iech hiel fien:
Es iech mèt diech op stap móch goon, zouw iech gelökkig zien.
Ze trók e laank geziech, en zag toen tege miech:


LP: Diverse artiesten “Veer zinge de samba“ HILL 09872
CD1989: Diverse artiesten "Veer zinge de samba" Marlstone Recordings bv-098921 CD
CD1990: Diverse artiesten "Vastelaovend in Mestreech 2" Marlstone Recordings bv-099024 CD
 
 
Geef miech toch get water
Teks & Meziek: J. Kraft
Jaor: ?

Jao, jao jao, geef miech toch get waaa-ter !

Refrein:
Geef miech toch get waaa-ter
't is veur miene kaaa-ter.
Want iech veul miech toch zoe slap
mien tóng is zjus 'ne lere lap.
Geef miech toch get waaa-ter
't is veur miene kaaa-ter.
Miene kop dee is zoe zwoer es loed
es iech neet kin drinke gaon iech doed.


Koeplèt:
Iech drink neet gere water
dao vin iech gaar niks aon.
Meh höb iech eine kater
begaoj iech miech dao aon.
Want höb iech get gedrónke
höb iech zoe 'ne rare maog.
Want weur iech 's mörreges wakker
is 't ierste wat iech vraog:
 
 
Hup merjenneke
Teks & Meziek: J. Kraft en B. Salden
Jaor: ?

Hup merjenneke pupverjenneke
leve de Vastelaovend.
Hup merjenneke pupverjenneke
leve de Karneval.
En dee 't daan gedoon heet
steek 'm in d'n olie.
Hup merjenneke pupverjenneke
leve de Karneval !

CD: Diverse artiesten "Vastelaovend in Limburg 2" Telstar TCD 100.750-2
CD1990: Diverse artiesten "Maske" Marlstone Recordings bv-099020
CD2000: Diverse artiesten "Vastelaòves Virus" Telstar TCD 10227-2
 
 
Hutspot
Teks & Meziek: J. Kraft
Jaor: 1957

Refrein:
Es veer zinge ’Laot mer goon, want te stèl is niks gedoon’
Jao, daan is ’t Vastelaovend in Mestreech !
Es de drekluij zien gestaak en d'n hiering weer good smaak,
Jao, daan is ’t Vastelaovend in Mestreech !
Nao de pieringe te goon, weurt 'n eder aofgeraojd.
Meinig wijfke zeet daan weer, boe höbs diech d’ch zoe begaojd ?
Es veer zinge goon vaan ’Meer, kóm ’ns oet dee zedeleer’
Jao, daan is ’t Vastelaovend in Mestreech !


Koeplèt:
Eine daag vaan eder jaor, steit ’t Momuskanon weer klaor.
Want daan weurt gesjote op ’t Vriethof vaan Mestreech.
Tempeleers zien weer prizzent, ederein is daan kóntent.
Want daan is ’t Karnaval, dee höbbe veer zoe leef.
 
 
Iech höb geine leeste
Teks & Meziek: J. Kraft
Jaor: 1979

Refrein:
Iech höb geine leeste, mèh wel 'n rammel en 'n toet !
Iech wèl goon feeste, wee geit venaovend mèt miech oet ?
Iech wèl goon danse, mèt eine leuke vent.
De gansen aovend, daan veul iech miech kóntent !


Koeplèt:
Merieke is e meitske vaan koelik achttien jaor.
En mèt de Vastelaovend heet zie 'r pekske klaor !
Ze geit zoe gere danse, meh toch heet zie verdreet.
Dat kump tot us Merieke nog geine leeste heet !
Ze wèt ziech geine raod en zingk noe op de straot:


CD: Diverse artiesten "Vastelaovend in Limburg 3" Telstar TCD 100.859-2
 
 
Iech höb gewach
Teks & Meziek: J. Kraft
Jaor: ?

Refrein:
Iech höb gewach, op diech dat móste wete,
In rege-weer dao aon de berekouw.
Iech vraog miech aof, höbs diech miech noe vergete.
De lees miech stoon, boe iech diech puune wouw.
Iech wouw miech verdrinke, meh iech kós neet zinke.
't Water vaan de Jeker waor toen völs te lieg.
Diech hads miech dao, dien leefde kinne sjinke.
Noe höb iech de griep, de sjöld daovaan bis diech.


Koeplèt:
Iech höb diech pas liere kinne, wie ste leeps in de Groete Staat.
De gings 'n knepkeszaak binne, iech tikte miech toen 'n plaat.
Toch höb iech diech nog gesproke en de zouws mèt miech wandele goon.
Mien hart is noe gebroke, de höbs miech laote stoon.


CD2000: SMV "Es iech de samba huur Mestreechter Vastelaovends-cd 2001" Music House Records SMV018
 
 
Iech höb 't weer
Teks & Meziek: D. de Pauw en L. Maas
Jaor: ?

Refrein:
Iech höb ... iech höb ... iech höb 't weer,
in m'n errem en in m'n bein.
Iech höb ... iech höb ... iech höb 't weer,
en 't deit gaaroets gein pijn.
Iech höb ... iech höb ... iech höb 't weer,
't kump eder jaor opnuijj !
Iech höb ... iech höb ... iech höb 't weer,
kóm dans toch m'n leef luijj.


Koeplèt:
Lewie, zag iech, wat is mèt diech ?
De deis toch zoe kemiek.
Zèk höbste sóms al las vaan giech ?
Meh heer zóng: De bis getik !
 
 
Iech maag neet vrijje
Teks & Meziek: J. Kraft en L. de Vos
Jaor: 1974

Refrein:
Netteke bijj us in de straot,
heet sjagrijn wèt ziech geine raod.
Ut errem keend, dat mag neet vrijje,
en moot de junkskes steeds vermijje.
Vraogste häör um 'ns oet te goon,
höbste pech, want ze liet diech stoon.
Ze zal noets zègke tot ze vaan diech hèlt,
meh wèt ze wat ze diech vertèlt ?


Koeplèt:
Iech maag neet vrijje veur miene Peer.
"Laot diech neet puune", dat zeet mien Meer.
Iech jenk miech doed, want iech snap niks daovaan.
Wie kóm iech daan aon eine gooje maan ?

Iech maag neet rouke of danse goon.
En mèt gein jungskes op heukskes stoon.
Iech weit 't neet, en geine dee miech zeet.
Wie miene Peer m'n Meer gekrege heet.


CD1999/2000: Diverse artiesten "Noe is 'tied" Music House Daan Smit BV - SMV017
 
 
Iech wouw
Teks & Meziek: J. Kraft
Jaor: 1960

Refrein:
Iech wouw tot iech nao hoes touw wouw,
mèh iech höb geine zin.
Iech wouw tot iech nao hoes touw wouw,
kóm sjöt nog mer ins in.


Koeplèt:
Want iech zaot zjus te dinke:
laot dien gedachte goon.
Hijj kinste nog eint drinke,
en toes is dat gedoon !

Iech wouw tot iech nao hoes touw wouw,
mèh iech höb geine zin.
Iech wouw tot iech nao hoes touw wouw,
want iech krijg ruizing mèt m'n vrouw.
 
 
Meer
Teks & Meziek: J. kraft
Jaor: 1955

Refrein:
Meer ! kómp oet dee zeedeleer.
Haolt de reiperok mer oet de kas.
Gaot drijj daog op stap mèt Peer.
Geef häöm ziene slippejas en bolhoed !
Meer ! kómp oet de zeedeleer.
Maak mèt us de kachel noe neet aon !
Huur ! ... dao kump 'n Hermenie.
Op de huukskes goon v'r d'rachter aon !


Koeplèt:

't Vruike bijj us neve die hèlt neet vaan plezeer.
Zie zit altied te leze in häöre zedeleer.
Meh mèt de Vastelaovend kump zie weer op verhaol.
Daan huurt ze weer häör naobers, die zinge allemaol:


LP: Diverse artiesten “Veer zinge de samba“ HILL 09872
CD1989: Diverse artiesten "Veer zinge de samba" Marlstone Recordings bv-098921 CD
CD1990: Diverse artiesten "Maske" Marlstone Recordings bv-099020
CD1990: Diverse artiesten "Vastelaovend in Mestreech 2" Marlstone Recordings bv-099024 CD
 
 
Menier d’n Deender
Teks & Meziek: A. Haaken en J. van Loo
Jaor: 1959

Refrein:
Menier d'n deender, mie Lewieke bin iech kwiet.
Menier d'n deender, iech zeuk 'm al d'n hielen tied.
Iech loup de kaffees in en oet, blozentere op mien toet.
Menier d'n deender, lèt noe toch
'ns effe op,
heer heet e kössteek op ziene kop.
Es geer häöm zeet daan kint geer 'm direk,
want mie Lewieke dee deit zo gek.


Koeplèt:

Mèt Vastelaovend trók Lewie mèt An d'rop oet,
verkleid mèt e wit lake aon, 'n rammel en 'n toet.
Meh aon de aw Maosbrök had Lewie 't um gesmeerd.
't Waor dao erg drök, daovaan had heer geproffeteerd.
Meh An zaog 'ne deender stoon en vroog häöm toen hiel leef.
 
 
Mie trömmelke
Teks & Meziek: J. Kraft
Jaor: ?

Refrein:
Iech höb get aon mie trömmelke, mie trömmelke, mie trömmelke.
Mie aajd verslete trömmelke, höbs diech verrinneweerd !
Iech höb get aon mie trömmelke, mie trömmelke, mie trömmelke.
Mie aajd verslete trömmelke, dat is noe niks mie weerd.

Iech had dat dink al jaore en waor zoe d'r aon gehech.
Iech wouw 't good bewaore, meh goej 't noe meh weg.


Koeplèt:

M'n leefste leep al jaore in d'n optoch vaan Mestreech.
Zie houwde op häör trömmelke en gaof um eine veeg.
In plaats vaan trommelstekke, had zie twie spiere poor.
Wie iech ins d'r op moch houwe, toen veegde iech d'r door.
Zie reep: Wat is gebäörd, de höbs mie vel gesjäörd !
 
 
Och Meerke leef
Teks & Meziek: ?
Jaor: ?

Och Meerke leef, sjeij oet mèt sloon,
iech zal noets mie nao Meersse goon.
Och meerke leef, sjeij oet mèt sloon,
iech zal noets mie nao Meersse goon.
En in Meersse höbbe veer zoe'n lol gehad
en wie iech toes kaom,
höb iech op m'n moul gehad.
En in Meersse höbbe veer zoe'n lol gehad
en wie iech toes kaom,
höb iech op m'n moul gehad.
 
 
Sjarel
Teks & Meziek: J. Kraft
Jaor: 1956

Refrein:
Sjarel ging mèt Vastelaovend, 'ne kier allein op stap.
Zellef maakde heer zie pekske, dat had heer 'm fien gelap.
Zingend ging heer door de straote,
drónk get dröpkes en get beer.
Wie 'r eind'lik veur z'n deur stóng,
sloog de klok al hallef veer.
Ze vruike die zag toen: dat maagste neet mie doen ... !


Koeplèt:

Ouch Sjarel, kóm noe nao bove touw,
en lèk diech in de bèd.

Val neet vaan d'n trap aof aanders brikste d'ne nek.

Krijgste neet genóg vaan zoe te springe, awwe gek ?
Ouch leve Sjarel, kóm noe nao baove touw,
en lèk diech in de bèd.
Mörr'ge gaon iech mèt op stap daan weurste neet zoe zaat.
Daan krijgste koffie en limmenaad.


CD1990: Diverse artiesten "Maske" Marlstone Recordings bv-099020
CD2000: SMV "Es iech de samba huur Mestreechter Vastelaovends-cd 2001" Music House Records SMV018
 
 
Verekespuu
Teks & Meziek: J. Kraft
Jaor: ?

Refrein:
Geef miech mer verekespuu, dao laot iech miech veur haange.
Verekespuu, die waggele in de sjuu.
Verekespuu, dao kinste miech mèt vaange.
Zèt e puutsje veur miech neer en e lekker gleeske beer,
daan höb iech pas plezeer.


Koeplèt:
E lekker stökske proemevlaoj dat vind iech gaar neet mis.
Meh toch vin iech tot verekespuu väöl beter veur miech is.
En es mien vrouw vreug: ‘Leeve jong, wat its diech, kies of spek ?’
Bedink iech miech gein ougenblik, want iech zègk daan direk:


CD1990: Diverse artiesten "Maske" Marlstone Recordings bv–099020
 
 
 
Opening vaan 't vijfde sezoen
11-11-2019 um 11.11 oor
in 't MECC in Mestreech
presenteert De Sjeng Kraft Kompenei:
"Opening vaan 't vijfde sezoen"
DE11DEVAANDE11DE2019
Veur de opening vaanaof 2020 kiek op:
www.de11devande11de.nl
 
 
 
Vastelaovendvierders 2008 vaan Mestreech
Prins Gaston I en Adjudant Gilbert

Zoondag 16-11-2008 höbbe Prins Gaston I
en ziene Adjudant Gilbert e benkelik momint
mètgemaak. Oonder de jaorvergadering vaan
de Tempeleers in de Spiegelzaol vaan de
Bonbonnière zien zie oetgerope tot:

Vastelaovendvierders 2008 vaan Mestreech !

Un zier groete ier en 'n manjefieke erkinning
vaan hun kreasie. Mèt hunne 'Wagel du Prince'
höbbe ze hunne joyeuse antree gemaak....
E momint um noets mie te vergete want
de sjevraoje lepe euver hunne pókkel.
Unne groete Chapeau et Salut pour:
Prins Gaston I vaan Klein-Terneije
en ziene Adjudant Gilbert !

La Société du Carnaval "Une avec sajs"
 
   
 
Carnavalsdata 2015 - 2025
 
Carnaval 2015:   15,  16,  17   fibberwarie
Carnaval 2016:   07, 08, 09   fibberwarie
Carnaval 2017:   26, 27, 28   fibberwarie
Carnaval 2018:   11,  12,  13   fibberwarie
Carnaval 2019:   03, 04, 05              miert
Carnaval 2020:  23, 24, 25   fibberwarie
Carnaval 2021:  14,  15,  16   fibberwarie
Carnaval 2022:  27, 28, 01   fibber/miert
Carnaval 2023:  19, 20, 21    fibberwarie
Carnaval 2024:  11,  12,  13   fibberwarie
Carnaval 2025:  02, 03, 04              miert
 
                   
 
             
www.smv.nl
www.smv.nl/media/muziekbestanden/leedsje-info
Vastelaovendsleedsjes blaadmeziek: www.kzbbnodd.home.xs4all.nl
 
 
'SJEVRAOJE'
Boekje over 'Vastelaovend in Mestreech' door Cocx Kunen
Meer info: www.maastrichtmoetjehoren.com
 
  
 
'Rech oet de Ziel'
'Rech oet de Ziel' toont op authentieke wijze prachtige
portretten van de Maastrichtse Vastenavond en de teksten
van alle winnende Vastelaovendsleedsjes van 1946 t/m 2010.
Meer info: www.redfrock.nl/rechoetdeziel
 
 
   CD Nostalzjie  
Hommaasj aon- en leedsjes vaan Math Niël
1. Math's bekroende Ach

Karnaval in Mestreech (1946)
Karnaval in Mestreech, maak plezeer en doeg d’n hertsje leve.
Zèt d'n zörreg opzijj en gaank oet mèt die daog.
Dans en spring in 'n rijj en vergeet al d'n plaog.
Karnaval in Mestreech, jao dat mooste eder jaor beleve.
Ofste aajd of jónk bis, zing mer allemaol.
Hup Marjenneke, Pup Marjenneke leve de Karnaval.

 
Karnaval ! Dat is de sjoenste tied (1948)
Karnaval dat is de sjoenste tied,
Karnaval dee wèlle veer neet kwiet.
Veer goon zingentere door Mestreech,
Geine deender dee us nog get deeg.
Hand aon hand zoe pak ziech ederein,
Poet aon poet zoe goon v'r achterein.
En dat geit zoe tot de mörrege door,
Mèt Vastelaovend kinne veer gein oor !

Bars de Bom (1951)
En noe bars, bars, bars, bars de bom
veer houwe op de trom.
En es veer zinge wie 't moot
nao drijj daog daan 'n heise stroot.
En noe bars, bars, bars, bars de bom
veer houwe op de trom.
En es veer zinge wie 't moot
nao drijj daog daan 'n heise stroot.


De Kattebak (1953)

Meh noe höb iech 'ne kattebak
mèt ins per week nuij zand.
En daomèt zien m'n kat en iech
oet de staank en oet de brand.
Meh noe höb iech 'ne kattebak
mèt ins per week nuij zand.
En daomèt zien m'n kat en iech
oet de staank en oet de brand.

Drijj daog d’r op oet (1960)
G'r nump 't later toch neet mèt,
en ederein dee dat wel wèt.
En eder jaor, bis mer gerös,
daan lik de breef vaan de belasting in de bös.
De wereld is neet laank meh rónd,
dee good kin lache is gezónd.
En noe alleh: Drijj daog d'rop oet,
al mèt 'n trómmel of 'n ratel of 'n toet.
En noe alleh: Drijj daog d'rop oet,
al mèt 'n trómmel of 'n ratel of 'n toet.

De Nozem (1961)
Noe rojem, zoe 'ne nozem, dee heet ze sóms neet good op ’n rijj.
Bombarie, allegasie, gei wöllemke heet heer op z'n prijj.
Meh mèt de Vastelaovend, daan kump heer oet de ploej.
Daan sjaart 'r ziech 'n blónte, ’n zwarte of ’n roej !
Noe rojem, zoe 'ne nozem, dee heet ze sóms neet good op ’n rijj.
Bombarie, allegasie, gei wöllemke heet heer op z'n prijj.

De Sjoekboks vaan bijj Lena (1962)
Leef Lena duij nog 'ns 'n döbbelsje, in de sjoekboks lekker dier.
Leef Lena zèt nog 'ns dat pleetsje op, veur d'n allerlèste kier.
Daan hure veer dee kerel kwele
"Ach was ik maar bij Meer gebleve"
Leef Lena zèt dat nog 'ns op, veur d'n allerlèste kier.

De Maos-Boelvaar (1964)
Mieljaar op de Maosboelvaar,
goon veer parere en promenere.
Dao goon de mansluij in sjoen pekskes,
en loupe vrouwluij op hoeg hekskes.
Mieljaar op dee Maosboelvaar,
goon veer flanere vaan hot nao haar.
Mieljaar op dee Maosboelvaar,
goon veer flanere vaan hot nao haar.

Karnaval in Mestreech, jao dat mooste eder jaor beleve.
Ofste aajd of jónk bis, zing mer allemaol.
Hup Marjenneke, Pup Marjenneke leve de Karnaval.
Karnaval !

2. Walse mèt Math
3. Heppie in Hip
4. M.V.V. Klubleed (1947)
5. M.V.V. Sepportersklubleed (1948)
Tekste leedsjes 2 t/m 5 kiek bijj: Maastricht Liedjes
Mèt daank aon: Egid Niël, Tiny Feij en Manuel Speth
Miejer informasie: www.mathieu-niel.nl
2010 © 2022 Wigo
 
'Carnavals schilderijen'
Tijdens de Carnavalsdagen te zien in de etalage van de Sleutelcentrale Maastricht Grote Gracht 39
 
Deze drie schilderijen waren vorig jaar tijdens de Carnavalsdagen te zien in de etalage van de Sleutelcentrale
Voor meer Maastrichtse schilderijen en informatie zie: www.jokealbers.exto.nl
 
 
Extreem weer tijdens Carnaval vanaf 1953
 
1953: Optochten afgelast wegens watersnoodramp in Zeeland.
1956: Een vriesperiode van ruim een maand. De koudste Carnaval ooit. Vlak
erna de laagste temperatuur van de eeuw in het zuiden, op 16 februari - 27° C.
1960: Het zogeheten 'föhneffect' veroorzaakt een zuidwesterwind vanuit de
Ardennen met een hogedrukgebied, toptemperatuur van + 19,2° C.
1969: Een spierwitte Carnaval, enorme pakken sneeuw nopen de Carnavalisten in
verschillende plaatsen om de optochten af te gelasten. Waar ze wel doorgaan, staan
de toeschouwers op metershoge hopen sneeuw naast de weg te kijken.
1970: Carnaval in Limburg ontsnapt aan de grootste hoosbui van de eeuw. Die valt net
na het feest, 18,8 uur neerslag achtereen. Bij Maastricht wordt 20 millimeter gepeild.
1987: Vlak voor Carnaval valt het dikste pak sneeuw van de eeuw. In Maastricht wordt
33 cm. sneeuwval gemeten.
1990: Het jaar van de 'grote storm'. Slechts enkele optochten gaan door, maar wel met
schuddende wagens. Op Aswoensdag de hevigste windstoten van de eeuw, sommige wel
32 meter per seconde. Rond windkracht acht. Tegelijkertijd is in 1990 ook de warmste
Carnaval met een toptemperatuur van + 20,4° C in Oost-Maarland (Eijsden Z- Limburg).
Bronnen: KNMI (P. Camps en Th. Fransen) februari 2001.
 
Carnaval ouder dan de kerk

De ontstaansgeschiedenis van Carnaval is in nevelen gehuld.
De eerste concrete aanwijzingen van Carnaval dateren van
omstreeks 2600 voor Christus. Op kleitabletten die gevonden
zijn in Mesopotamië (het huidige Irak) doet een priesterkoning
verslag van een soort nieuwjaarsfeest waarbij een pronkschip
door de straten naar een tempel werd vervoerd. In de vijf
dagen  dat het feest duurde, was de slaaf gelijk aan zijn baas.

De Germanen vierden de komst van de nieuwe lente met
vruchtbaarheidsfeesten. Vanaf de vroege Middeleeuwen
waren lentefeesten populair. Vijf dagen drinken tot je er
bij neerviel. De katholieke kerk is nooit een voorstander
geweest van dit goddeloze  en losbandig gedrag.
Pogingen om deze uitspattingen in te dammen haalden niets
uit en uiteindelijk koos de kerk eieren voor haar geld.
In 1091 werd tijdens de Synode van Benevento officieel
de vastentijd van veertig dagen vastgesteld.

Sommige historici verklaren hiermee de naam. Carne vale,
voor het eerst opgetekende in Italië, staat voor 'afscheid
van het vlees'. Anderen denken overigens dat de naam is
ontleend aan het Griekse 'carrus navalis', wat scheepskar
betekent. De Grieken vierden eind februari een driedaags
feest waarbij Dionysos, de God van de wijn, op een
scheepswagen werd rondgedragen. Dit waren ronduit
zatte optochten. Hoe dan ook, buitensporig drankgebruik,
het omdraaien van machtsverhoudingen en het kronen
van een narrenkoning (tegenwoordig Prins Carnaval),
horen  al eeuwenlang bij het volksfestijn.
Bron: Math Wijnands, Viva Vastelaovend, Carnaval in Limburg. Uitgeverij TIC.
 
Historie Vastelaovend Mestreech - Geschiedenis Carnaval Maastricht
 
   Draank in plestik mèt Vastelaovend   

Bèste Onno,

Zjus good pas èllef weke, in us sjoen Mestreech de baas.
En daan al medein keke: ”Vastelaovend zónder glaas !”

Gein ervaring in us tradisie, of geveul veur Mestreechter Geis.
Maak daorum gein allegasie, en snijj neet geliek in d’n eige vleis.

Want in kaffee, zaol of op straot, wèlle veer Vastelaovend viere.
Mèt meziek en leedsjes op maot, dat zalle v’r häöm nog wel liere.

Mèt ’n dröpke of ’n glaas beer, ’n gleeske wien of klaor water.
Klinke veer same altied geer, op us gezóndheid veur noe en later.

Laot us dees ammezasie en sjariteit, aon Maos, Kaanjel en Neker.
Dink aon mieljeu en kwaliteit: ”Geine draank in ’ne plestik beker !”

Propele Vastelaovend same !
17-01-2011 © 2022 Wigo
 
   Ode aon Jan Janssen   


Bèste Jan,

Geer zeet veur de Tempeleers eine vaan de groete Proffete,
eine dee de mieste sjoen Mestreechse wäörd heet verslete.

Zoe höb geer es Sirremoniemeister dèkser de spits aofgebete,
en uuch vaan dees meujelike taak altied manjefiek gekwete.

Bijj de Machseuverdrach hure v’r nuijtsjes en weurt verwete,
tot de Otoriteitetoeker bijj bepaolde luij de uigskes liet versjete.

Eur käös vaan ónderwerrepe waor dèks sjerrep mer aofgemete,
door uuch es verhäölkes, veerskes en leedsjes gebrach en geslete.

In 11 + 3 jaor höb geer uuch ’ne eige spesjaole stijl aongemete,
dat höbbe veer Börregemeisters mèt mage make en ouch gewete.

Philip, Gerd, Jan en Onno höbbe mèt ’t zweit in de han gezete,
Wèthawwers, Raodsleije en Minnisters kóste in dees rijj aonslete.

Geheim brónne waore gelökkig ouch dao en lete uuch rap wete,
es iemes weer get tösse de mör vaan ’t Stadhoes had oetgevrete.

Väöl bespraok geer mèt Anneke mèt ’n Eelske of ónder ’t ete,
sóms zag geer wel ’ns helop: ’Had iech miech mer besjete !’

Geer höb ’t Vollek vaan Mestrecch väöl laote lache en genete,
de sjariteit zit in eur hart, geer daot neet allein get veur mónnete.

Tijjdens eur bekindmaking um te stoppe, höbbe v’r us verbete,
’n momint vaan sjevraoje en traone, jao sómmige höbbe gekrete.

En um dees ’Ode aon uuch’ mèt ’ne groete Merci te mage beslete,
Jan, geer waort grandioos: Chapeau, v’r zalle uuch neet vergete !

Bedaank en ….. Vastelaovend same !

5 miert 2011 © 2022 Wigo
Meer info zie: www.maastrichtaktueel.nl/ode aon jan janssen
Meer gedichten zie: Gedichten Pagina
 
Historie Vastelaovend Mestreech - Geschiedenis Carnaval Maastricht
 
De webmaster van www.wigosite.nl is niet
verantwoordelijk voor de inhoud van externe websites.
 
Met dank aan eenieder voor de bijdragen in de vorm van informatie, foto's en afbeeldingen
 
Bedankt voor uw interesse en voor uw bezoek aan de site
Heeft u opmerkingen, aanvullingen of afbeeldingen:  Mail naar Wigo
Bent u tevreden, vertel het verder en/of schrijf in het:  Gastenboek / Lees Gastenboek
 
HOMEPAGINA
2005 © 2024  [Wigosite]
Alle rechten voorbehouden
Bijgewerkt:   14-01-2024
Page copy protected against web site content infringement by Copyscape
Carnavalsliedjes
www.wigosite.nl